WEWATCH អាចអោយអ្នកប្រើប្រាស់លេងហ្គេមនៅលើកញ្ចក់ទូរទស្សន៏បាន!

AirConsole កំពុងដាក់ឱ្យដំណើរការនៅលើ WeWatch ក្នុងប្រទេសកម្ពុជា សិង្ហបុរី និងឥណ្ឌូនេស៊ី WeWatch Pte Ltd មានសេចក្តីសោមនស្សរីករាយក្នុងការប្រកាសពីការបើកដំណើរការ WeWatch Game នៅក្នុងប្រទេសសិង្ហបុរី កម្ពុជា និងឥណ្ឌូនេស៊ី ជាមួយនឹងដៃគូរបស់យើងដែរជាអ្នកបង្កើតហ្គេមប្រកបដោយភាពច្នៃប្រឌិត AirConsole ។

មានហ្គេមជាង 170 នៅក្នុងប្រភេទផ្សេងៗគ្នាសម្រាប់គ្រប់វ័យ ហើយហ្គេមថ្មីៗត្រូវបានធ្វើដាក់បន្ថែមជារៀងរាល់សប្តាហ៍។ ហ្គេមនេះមានភាពសប្បាយរីករាយកាន់តែខ្លាំងនៅពេលដែរអ្នកលេងគ្នាច្រើនដោយប្រើប្រាស់ទូរទស្សន៏តែមួយ។ អ្នកលេងមិនតម្រូវអោយមានឧបករណ៏បន្ថែមទេ លោកអ្នកអាចប្រើប្រាស់ទូរស័ព្ទរបស់អ្នកជាដៃហ្គេម និងអេក្រង់ទូរទស្សន៍របស់អ្នកសម្រាប់បង្ហាញរូបភាព។

អ្នកស្រី Sarah Xiaohua Wang នាយកប្រតិបត្តិក្រុមហ៊ុន WeWatch Pte Ltd បានលើកឡើងថា 
“យើងប្តេជ្ញាផ្តល់ហ្គេមប្រកបដោយភាពច្នៃប្រឌិត គុណភាព និងការកម្សាន្តដល់អ្នកទស្សនារបស់យើង។ យើងមានសេចក្តីសោមនស្សរីករាយក្នុងការចាប់ដៃគូជាមួយ AirConsole និងផ្តល់ជូននូវការកម្សាន្ត និងហ្គេមអប់រំ។” 
លោក Anthony Cliquot, COO និងជាប្រធានផ្នែកអភិវឌ្ឍន៍ភាពជាដៃគូយុទ្ធសាស្ត្រនៅ AirConsole ក៏បានលើកឡើងផងដែរថា 
"AirConsole រំភើបចិត្តក្នុងការចាប់ដៃគូជាមួយ WeWatch ក្នុងបេសកកម្មរបស់ពួកគេក្នុងការនាំយកមាតិកាពិសេសដល់អ្នកប្រើប្រាស់របស់ពួកគេ។"